Verkefnastjóri miðlunar

Listasafn Reykjavíkur

Sótt er um starfið í gegnum vefform
Opna vefform
Sótt er um starfið með því að senda tölvupóst á
Senda umsókn

Verkefnastjóri miðlunar

Listasafn Reykjavíkur

Reykjavík

Listasafn Reykjavíkur auglýsir lausa til umsóknar stöðu verkefnastjóra miðlunar. Starfið felst í miðlun og skipulagningu viðburða í tengslum við sýningar safnsins.

Um er að ræða 70-100% starf. Leitað er að hugmyndaríkum og jákvæðum einstaklingi til starfa í kraftmiklum starfshópi.

Listasafn Reykjavíkur er lifandi og framsækinn vettvangur þar sem tækifæri gefst til að kynnast fjölbreytileika myndlistar og öðlast dýpri skilning á sögulegu, félagslegu, menningarlegu og listrænu samhengi sköpunarverka listamanna. Safnið er til húsa á þremur stöðum í Reykjavík: í Hafnarhúsi, á Kjarvalsstöðum og í Ásmundarsafni við Sigtún.

Helstu verkefni og ábyrgð

  • Umsjón og skipulag fræðslu og viðburða í safninu í samstarfi við yfirmann og samstarfsfólk.
  • Þátttaka í mótun og þróun viðburða og fræðslu. Móttaka hópa, leiðsagnir og önnur safnfræðsla.
  • Umsjón með samstarfsverkefnum, textagerð og upplýsingagjöf.
  • Þróun og gerð fræðsluefnis og námskeiða.
  • Gerð fjárhagsáætlunar og eftirfylgni með henni.

Hæfniskröfur

  • Háskólamenntun á starfssviði safnsins; í myndlist, listfræði, safnafræði eða listasögu.
  • Menntun og/eða reynsla á sviði listkennslu eða listmiðlunar.
  • Reynsla af safnastarfi.
  • Mjög góð þekking á íslenskri listasögu, góð þekking á íslenskri og alþjóðlegri samtímamyndlist.
  • Mjög góðir skipulags- og verkefnisstjórnunarhæfileikar.
  • Mjög góð samskiptafærni á íslensku og ensku og hæfni til að tjá sig í ræðu og riti eru skilyrði.
  • Færni og geta til að vinna undir álagi og sinna mörgum viðfangsefnum.
  • Færni í mannlegum samskiptum og sveigjanleiki.
  • Metnaður, frumkvæði, hugmyndaauðgi og sjálfstæði í starfi.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem við búum í. Reykjavíkurborg vinnur gegn mismunun á vinnumarkaði og hvetur innflytjendur, fatlað fólk, hinsegin fólk og fólk á öllum aldri til að sækja um störf hjá borginni.

Frekari upplýsingar um starfið

Laun eru samkvæmt samningi Reykjavíkurborgar við viðkomandi stéttarfélög.

Listasafn Reykjavíkur

Vefsíða

Staðsetning

Reykjavík

Starfshlutfall

70-100%

Auglýsing birt

Umsóknarfrestur

25.2.2021

Önnur störf
Sækja um
Sækja um