Sumarstörf hjá Advania

Advania

Sótt er um starfið í gegnum vefform
Opna vefform
Sótt er um starfið með því að senda tölvupóst á
Senda umsókn

Sumarstörf hjá Advania

Advania

Reykjavík

Hjá Advania leggjum við áherslu á að ráða til okkar metnaðarfullt, framtakssamt og skemmtilegt starfsfólk. Vinnuaðstaðan er eins og hún gerist best, verkefnin eru fjölbreytt og áhugaverð og starfsandinn er frábær.

Endilega sendu okkur umsókn ef þú vilt slást í hópinn í sumar!

Störf í boði

Á hverju sumri ráðum við inn sumarstarfsmenn í fjölbreytt verkefni innan ólíkra sviða fyrirtækisins. Aðallega er um að ræða störf í hugbúnaðarþróun en einnig geta komið til verkefni í þjónustu, á verkstæði, almenn skrifstofustörf eða í flottasta mötuneyti á landinu.

Vegna starfa í hugbúnaðarþróun leitum við aðallega að nemendum í tölvunarfræði, stærðfræði, hugbúnaðarverkfræði eða öðru verkfræðinámi. Þeir sem sækja um sumarstörf í hugbúnaðarþróun eru beðnir um að láta einkunnayfirlit og ferilskrá fylgja umsókn.

Í önnur störf innan fyrirtækisins getur nám í viðskiptafræði, sálfræði, rafvirkjun, kerfisfræði eða öðrum fögum einnig komið að góðum notum.

Oftar en ekki getur góð framvinda í sumarstarfi leitt til hlutastarfs með námi og/eða fastráðningar að námi loknu.

Almennar hæfnikröfur

  • Brennandi áhugi á upplýsingatækni
  • Þjónustulund og góð hæfni í mannlegum samskiptum
  • Áreiðanleiki og stundvísi
  • Sjálfstæð vinnubrögð

Aðrar upplýsingar

Advania er alhliða þjónustufyrirtæki í upplýsingatækni og svara lausnir fyrirtækisins þörfum tugþúsunda viðskiptavina í atvinnulífinu. Advania er fjölskylduvænn vinnustaður og er vinnutíminn sveigjanlegur. Virk jafnréttisstefna og samgöngustefna er hjá fyrirtækinu og boðið er upp á góða líkamsræktaraðstöðu og leikherbergi í höfuðstöðvum fyrirtækisins við Guðrúnartún. Ef þú leitar að spennandi verkefnum, góðu vinnuumhverfi og hressum vinnufélögum, þá finnurðu það hjá okkur. Við viljum nefnilega vera besti vinnustaður landsins! Gildi Advania eru ástríða, snerpa og hæfni.

Ferli ráðninga

  1. Tekið á móti umsóknum til 25. mars 2021
  2. Yfirferð umsókna
  3. Boðað í viðtöl
  4. Verkefni eða próf lögð fyrir ef við á
  5. Öflun umsagna / meðmæla
  6. Ákvörðun um ráðningu
  7. Öllum umsóknum svarað

Starfsmenn mannauðssviðs ásamt þeim stjórnendum sem eru í leit að sumarstarfsmönnum hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir starfsfólk mannauðssviðs, atvinna@advania.is / s. 440 9000.

Advania

Vefsíða

Staðsetning

Reykjavík

Starfshlutfall

Sumarstarf

Auglýsing birt

Umsóknarfrestur

25.3.2021

Sérfræðistörf
Upplýsingatækni
Þjónustustörf
Sækja um
Sækja um