Við leitum að öflugum heilbrigðismenntuðum sérfræðingi í eftirlitsdeild á þjónustusviði Sjúkratrygginga Íslands. Um er að ræða fjölbreytt og krefjandi starf við eftirlit með samningum og þjónustuveitendum ásamt tilheyrandi upplýsingagjöf og leiðsögn. Sjúkratryggingar Íslands vinna í verkefnamiðuðu vinnuumhverfi þar sem rík áhersla er lögð á góðan aðbúnað starfsmanna.

Helstu verkefni og ábyrgð

• Þátttaka í eftirliti með veitendum heilbrigðisþjónustu og öðrum viðsemjendum eftir því sem við á
• Samstarf með aðilum innan og utan SÍ vegna eftirlits, undirbúnings og framkvæmdar
• Samskipti við veitendur þjónustu vegna eftirlits og úttekta
• Samstarf við aðrar einingar SÍ um þau atriði sem ætlað er að stuðla að gæðum, árangri og hagkvæmni þjónustunnar
• Greining og vinnsla sjúkraskrárgagna og tölulegra gagna
• Gerð eftirlitsskýrslna, úttekta, bréfaskriftir og kynningar ásamt skjölun upplýsinga

Hæfnikröfur

• Heilbrigðismenntun og íslenskt starfsleyfi í faginu, menntun á sviði hjúkrunar- eða læknisfræði er æskileg
• Góð þekking og reynsla af vinnslu tölulegra gagna
• Góð þekking á RAI mati er æskileg
• Reynsla af störfum innan opinberrar stjórnsýslu
• Þekking á lagaumhverfi sjúkratrygginga
• Góð þekking á Excel og/eða Power BI
• Góð íslensku og enskukunnátta í ræðu og riti, þekking á Norðurlandatungumáli kostur
• Vönduð og áreiðanleg vinnubrögð sem og sjálfstæði í starfi
• Frumkvæði, áhugi og metnaður í starfi og hæfni til að starfa bæði sjálfstætt og í teymi
• Lipurð í samskiptum og rík þjónustulund

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Æskilegt er að starfsmaður geti hafið störf sem fyrst. Umsækjendur eru beðnir um að sækja um starfið á heimasíðu Sjúkratrygginga Íslands, www.sjukra.is/starf. Umsóknum þarf að fylgja ítarleg starfsferilsskrá ásamt kynningarbréfi. Öllum umsóknum verður svarað þegar niðurstaða um ráðningu liggur fyrir. Ráðning tekur mið af jafnréttisáætlun stofnunarinnar. Umsókn gildir í 6 mánuði frá lokum umsóknarfrests. Upplýsingar um stofnunina má finna á heimasíðu hennar: www.sjukra.is

Starfshlutfall er 100%

Umsóknarfrestur er til og með 01.03.2021

Nánari upplýsingar veitir

Ari Matthíasson - ari.matthiasson@sjukra.is - 515-0000

Júlíana Hansdóttir Aspelund - juliana.hansdottir@sjukra.is - 515-0000