Isavia leitar að metnaðarfullum og árangursdrifnum mannauðsstjóra sem hefur jákvæðni að leiðarljósi og drifkraft til að ná árangri í krefjandi verkefnum  í samvinnu við öflugt starfsfólk félagsins. Mannauðsstjóri kemur að mótun, innleiðingu og framkvæmd á stefnu Isavia á sviði mannauðsmála, jafnréttismála og almennri velferð starfsfólks. Hann er jafnframt fulltrúi móðurfélags gagnvart dótturfélögum þegar kemur að mannauðsmálum. Hann ber ábyrgð á áætlanagerð og daglegum rekstri sinnar deildar. Mannauðsstjóri heyrir undir framkvæmdastjóra fjármála og mannauðs.

Helstu verkefni

• Dagleg stýring á mannauðsteymi félagsins
• Ábyrgð, framkvæmd og eftirfylgni með umbótaverkefnum í mannauðsmálum
• Ábyrgð á innleiðingu á stefnum og verkferlum félagsins í mannauðsmálum
• Ráðgjöf og stuðningur við stjórnendur með það að markmiði að auka gæði mannauðsmála félagsins
• Ábyrgð á árangursmælingum og greiningum í mannauðsmálum
• Ábyrgð á innri markaðsmálum og upplýsingagjöf
• Ábyrgð á verkefnum sem stuðla að jákvæðum starfsanda og góðri vinnustaðamenningu

Hæfniskörfur

• Framhaldsmenntun í mannauðsstjórnun eða sambærilegt nám
• Marktæk reynsla á sviði mannauðsmála og stjórnunar
• Framúrskarandi hæfni í samskiptum
• Frumkvæði og kraftur til að hrinda hugmyndum í framkvæmd
• Áhugi, þekking og reynsla af notkun upplýsingatækni til aukinnar skilvirkni
• Umbótamiðuð hugsun og framsýni

Starfsstöð: Hafnarfjörður

Umsóknarfrestur er til og með 28. febrúar nk.

Nánari upplýsingar veitir Ingibjörg Arnarsdóttir framkvæmdastjóri fjármála og mannauðs, ingibjorg.arnarsdottir@isavia.is