Hjá Umhverfisstofnun er laust til umsóknar starf lögfræðings á sviði efna, eftirlits og veiðistjórnunar í teymi efnamála og teymi lífríkis- og veiðistjórnunar. Lögfræðingurinn mun starfa í öflugum teymum þar sem áhersla er lögð á þverfaglega samvinnu. Starfsvið lögfræðings felst í vinnu með sérfræðingum að greiningu og úrlausn lögfræðilegra og stjórnsýslulegra álitamála við ákvarðanatöku varðandi efnamál og veiði og lífríkismál. Jafnframt þátttöku í annarri fjölbreyttri greiningarvinnu í þverfaglegu starfi. Lögfræðingurinn mun taka þátt í samstarfi við ráðuneyti, aðrar ríkisstofnanir, hagsmunaaðila , sveitarfélög, fyrirtæki og samtök þeirra.

Helstu verkefni og ábyrgð

• Greining og úrlausn lögfræðilegra og stjórnsýslulegra álitamála við ákvarðanatöku
• Greining á löggjöf Evrópusambandsins í málaflokkum teyma og undirbúningur reglugerða í samvinnu við sérfræðinga stofnunarinnar og umhverfis- og auðlindaráðuneytið
• Vinnsla minnisblaða með tillögum að úrlausnum um lögfræðileg álitaefni sem falla undir verksvið viðkomandi teyma
• Umsagnir um þingmál og lagafrumvörp og stjórnsýslukærur. Einnig gerð tillagna að breytingum á lögum og reglugerðum og greining EES gerða
• Beiting þvingunarúrræða og viðurlaga
• Fræðsla og ráðgjöf um lögfræðileg efni

Hæfnikröfur

• Menntun á sviði lögfræði með áherslu á umhverfismál. Meistaragráða og fullnaðarpróf í lögfræði er skilyrði
• Þekking og reynsla af opinberri stjórnsýslu er kostur
• Þekking og/eða reynsla af reglum EES-samningsins um umhverfisvernd
• Gott vald á íslensku og ensku bæði í ræðu og riti
• Góð samstarfshæfni og sveigjanleiki í samskiptum
• Skipulögð og sjálfstæð vinnubrögð
• Haldbær þekking á einu Norðurlandamáli er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Starfsaðstaða sérfræðingsins getur verið í Reykjavík, Hellissandi, Patreksfirði, Ísafirði, Akureyri, Mývatni, Egilsstöðum, Hellu eða Vestmannaeyjum; allt eftir búsetu. Gagnkvæmur reynslutími er sex mánuðir við ráðningu. Æskilegt er að lögfræðingurinn geti hafið störf sem fyrst.

Starfshlutfall er 100%

Umsóknarfrestur er til og með 24.02.2021

Nánari upplýsingar veitir

Skúli Þórðarson - skuli@ust.is - 591 2000

Þóra Margrét Pálsdóttir Briem - thoram@ust.is - 591 2000