Hugbúnaðarlausnasvið Origo leitar að öflugum hugbúnaðarprófara í spennandi hugbúnaðarverkefni. Hugbúnaðarprófarar vinna í gríðarlega skemmtilegu og sterku hugbúnaðarteymi og fá tækifæri til að skapa vörur sem eru notaðar af fjölmörgum viðskiptavinum.

Sérfræðingar í hugbúnaðarprófunum eru hluti af hóp sem er leiðandi í að tryggja gæði hugbúnaðar innan Origo sem og viðskiptavinum þess.

Helstu verkefni

• Virk þátttaka í þróunarteymum og náin samvinna við hagsmunaaðila
• Skilgreining og utanumhald prófanatilvika
• Undirbúningur og framkvæmd prófana á öllum stigum hugbúnaðargerðar
• Greining og eftirfylgni atvika
• Vinna að stöðugum umbótum þróunarferla

Menntunar- og hæfniskröfur

• Háskólamenntun á svið raun- eða tæknivísinda, eða önnur menntun sem nýtist í starfi
• Reynsla af hugbúnaðargerð: prófanir, forritun eða verkefnastjórn er kostur
• Reynsla af SQL er kostur
• Hæfni til að vinna í teymi
• Nákvæmni, fagmennska, frumkvæði og ábyrgð við úrlausn verkefna
• Frumkvæði og færni í mannlegum samskiptum

Við bjóðum upp á frábæra starfsaðstöðu og búnað, góðan starfsanda og liðsheild, tækifæri til endurmenntunar og þátttöku í verkefnum sem skipta okkur öll máli.

Hjá Origo starfar öflugur hópur fólks sem nýtir hugvit sitt til að efla árangur, hagsæld og öryggi viðskiptavina. Gildin okkar eru þjónustuframsýn, samsterk og fagdjörf.

Sótt er um starfið hér á vef Origo. Umsóknarfrestur er til og með 28. febrúar 2021. Allar umsóknir og fyrirspurnir verða meðhöndlaðar sem trúnaðarmál og þeim svarað. Nánari upplýsingar veita sérfræðingar á mannauðssviði Origo (mannaudur@origo.is).