Aðjúnkt í Hjúkrunarfræðideild

Háskólinn á Akureyri

Sótt er um starfið í gegnum vefform
Opna vefform
Sótt er um starfið með því að senda tölvupóst á
Senda umsókn

Aðjúnkt í Hjúkrunarfræðideild

Háskólinn á Akureyri

Akureyri

Laust er til umsóknar hálft starf (50%) aðjúnkts í hjúkrunarfræði með áherslu á kennslu í barnahjúkrun. Leitað er að hjúkrunarfræðingi með sérþekkingu á sviði barnahjúkrunar.

Helstu verkefni og ábyrgð

Við leitum að öflugum einstaklingi með góða þekkingu á barnahjúkrun og barnasjúkdómafræði. Starfið felur í sér að hafa umsjón með námskeiði í barnahjúkrun, fræðilega og klíníska kennslu í barnahjúkrun, rannsóknir og stjórnun. Næsti yfirmaður er formaður hjúkrunarfræðideildar. Starfsvettvangur er Háskólinn á Akureyri. Staðan er veitt frá og með 1. ágúst 2021. Um ótímabundið starf er að ræða. Háskólinn á Akureyri er eini háskólinn á Íslandi sem býður upp á sveigjanlegt nám í hjúkrunarfræði. Námið er fjögurra ára nám til BS prófs. Niðurstöður kannana meðal nemenda sýna ánægju með gæði og innihald námsins. Nám í hjúkrunarfræði er fyrir öll kyn. Samkeppnispróf eru haldin við lok fyrsta misseris og ákvarða hverjir fá að halda áfram námi á vormisseri fyrsta árs. Fjöldi nemenda eftir haustmisseri fyrsta árs er u.þ.b. 75 á hverju kennsluári. Fastráðnir starfsmenn deildarinnar er tæplega 20 manna metnaðarfullur hópur, samsettur af akademískum starfsmönnum, verkefnastjórum og aðjúnktum. Einnig koma fjölmargir stundakennarar að kennslu í deildinni bæði í fræðilegu og klínísku námi.

Hæfnikröfur

  • Meistarapróf í hjúkrunarfræði eða heilbrigðisvísindum.
  • Sérmenntun á sviði hjúkrunar með áherslu á barnahjúkrun og a.m.k. 2 ára starfsreynsla á þessu sviði.
  • Að minnsta kosti 2 ára klínísk reynsla á heilbrigðisstofnun og virkni í klínísku starfi.
  • Sérfræðileyfi á tengdu fræðasviði eða virk umsókn um sérfræðileyfi.
  • Reynsla af háskólakennslu og fræðilegri og klínískri leiðbeiningu á háskólastigi er kostur.
  • Góð samstarfshæfni, lipurð í mannlegum samskiptum ásamt góðri færni í að miðla þekkingu.
  • Gott vald á íslensku og ensku, jafnt töluðu sem rituðu máli.

    Umsókn skal fylgja:
  • Greinargott yfirlit yfir náms- og starfsferil.
  • Staðfest afrit af prófskírteinum.
  • Kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.
  • Tilnefna skal a.m.k. tvo umsagnaraðila og er æskilegt að einn þeirra sé næsti yfirmaður í núverandi eða fyrra starfi umsækjanda. Við ráðningu verður miðað við, að sá er starfið hlýtur falli sem best að aðstæðum og þörfum Hjúkrunarfræðideildar Háskólans á Akureyri.

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólakennara á Akureyri hafa gert.
Meðferð umsókna, mat á hæfi umsækjenda og ráðning í starfið er í samræmi við ákvæði laga um háskóla nr. 63/2006, laga um opinbera háskóla nr. 85/2008 með síðari breytingum, og reglur fyrir Háskólann á Akureyri. nr. 387/2009. Ófullnægjandi umsóknir eru ekki teknar til greina. Öllum umsóknum verður svarað þegar ákvörðun um ráðningu í starfið hefur verið tekin. Háskólinn á Akureyri áskilur sér rétt til að hafna öllum umsóknum. Umsókn getur gilt í sex mánuði eftir að umsóknarfresti lýkur.

Starfshlutfall er 50%

Umsóknarfrestur er til og með 31.03.2021

Nánari upplýsingar veitir

Margrét Hrönn Svavarsdóttir - mhs@unak.is, deildarformaður Hjúkrunarfræðideildar - 4608471
Eydís Kr Sveinbjarnardóttir - eydis@unak.is, forseti Heilbrigðisvísindasviðs - 4608482

Háskólinn á Akureyri

Vefsíða

Staðsetning

Akureyri

Starfshlutfall

50%

Auglýsing birt

Umsóknarfrestur

31.3.2021

Kennsla og rannsóknir
Sækja um
Sækja um